ପଶୁପାଳନ

ପ୍ରାଣୀ ସଂପଦ ବିକାଶ ବିଭାଗ, ଗଜପତିର ବିବରଣୀ
ଜିଲ୍ଲାର ନାମ : ଗଜପତି
ଉପଖଣ୍ଡର ନାମ : ପାରଳାଖେମୁଣ୍ଡି
ଜିଲ୍ଲାସ୍ଥରୀୟ ମୁଖ୍ୟ ଚିକିତ୍ସାଳୟ : ୧
ଜିଲ୍ଲାର ଅନ୍ୟାନ୍ୟ ଚିକିତ୍ସାଳୟ ସଂଖ୍ୟା : ୧୦
ପ୍ରାଣୀ ସହାୟକ କେନ୍ଦ୍ର ସଂଖ୍ୟା : ୫୨

ଜିଲ୍ଲାରେ ଚାଲୁଥିବା ବିଭିନ୍ନ ସରକାରୀ କାର୍ଯ୍ୟାବଳୀର ବିବରଣୀ

1. ଜାତୀୟ ଗୋମୋହିଷାଦି ପ୍ରଜନନ ଓ ଗୋଉନ୍ନୟନ ଯୋଜନା :
   • ଏହି ଯୋଜନା ମାଧ୍ୟମରେ ଜିଲ୍ଲାର ଏଗାର(୧୧) ଟି ପ୍ରାଣୀ ଚିକିତ୍ସା କେନ୍ଦ୍ର ଏବଂ ତିରିଶି (୩୦)ଟି ପ୍ରାଣୀଧନ ସହାୟକ କେନ୍ଦ୍ରରେ କୁତ୍ରିମ ପ୍ରଜନନ ଦ୍ବାରା ଉନ୍ନତ ବାଛୁରୀ ଉତ୍ପାଦନ କରାଯାଉଅଛି
2. ପ୍ରାଣୀ ଚିକିତ୍ସା ସେବା ଓ ରୋଗ ନିରାକରଣ ଯୋଜନା:
   • କ. ସାହାଣ, ବଜବଜିଆ, ଆନ୍ଥ୍ରାକ୍ସ, ଥେଲେରିଆ ଏବଂ ବୃଶେଲା ରୋଗର ପ୍ରତିଷେଧକ ଟିକାକରଣ ମାଧ୍ୟମରେ ଗୋରୁ ଏବଂ ମହିଷୀମାନଙ୍କୁ ରୋଗରୁ ସୁରକ୍ଷା ଦିଆଯାଉଅଛି
   • ଖ. ଛେଳି ମଡକ, ଆନ୍ତ୍ରିକବିଶ ଜ୍ବର ଏବଂ ଛେଳି ବସନ୍ତ ରୋଗର ପ୍ରତିଷେଧକ ଟିକାକରଣ ମାଧ୍ୟମରେ ଛେଳି ଓ ମେଣ୍ଢାମାନଙ୍କୁ ରୋଗରୁ ସୁରକ୍ଷା ଦିଆଯାଉଅଛି
   • ଗ. ଫାଟୁଆ ରୋଗର ସମୂହ ଟୀକାକରଣ କରାଯାଇ ଗୋରୁ, ମହିଷି, ଛେଳି ଓ ମେଣ୍ଢା ମାନଙ୍କୁ ଏହି ରୋଗରୁ ସୁରକ୍ଷା ଦିଆଯାଉଅଛି
   • ଘ. ଗୃହପାଳିତ କୁକୁଡାମାନଙ୍କୁ ରାଣିଖେତ ରୋଗର ଟୀକାକରଣ କରାଯାଇ ଏହି ରୋଗରୁ କୁକୁଡା ମାନଙ୍କୁ ସୁରକ୍ଷା ଦିଆଯାଉଅଛି
3. ରାଷ୍ଟ୍ରୀୟ କୃଷି ବିକାଶ ଯୋଜନା :
   • ଗୋ ଚାଷୀମାନଙ୍କୁ ଖଣିଜ ଲବଣ ଗୁଣ୍ଡ ଯୋଗଇ ଦିଆଯାଇ ଗାଇ ଏବଂ ମହିଷି ମାନଙ୍କର ଦୁଗ୍ଧ ଉତ୍ପାଦନ ବୃଦ୍ଧି କରିବା ପାଇଁ ବିଭାଗ ତରଫରୁ ସହାୟତା ଦିଆଯାଉଅଛି
   • ଖଣିଜ ଲବଣ ଗୁଣ୍ଡ କି.ଗ୍ରା ପ୍ରତି ୨୪ ଟଙ୍କା ମୂଲ୍ୟରେ ଚାଷୀମାନଙ୍କୁ ଯୋଗାଇ ଦିଆଯାଉଅଛି
   • ବାଛୁରୀ ପାଳନ ଯୋଜନା : ଏହି ଯୋଜନା ମାଧ୍ୟମରେ ୪ ରୁ ୬ ମାସର କୁତ୍ରିମ ପ୍ରଜନନ ଦ୍ବାରା ଜନ୍ମ ହୋଇଥିବା ବାଛୁରୀ ମାନଙ୍କର ବୀମାକରଣ କରାଯାଉଅଛି ଏବଂ ସେହି ବାଛୁରୀ ମାନଙ୍କୁ ଅଧା ମୂଲ୍ୟରେ ଓମଫେଡ୍ ମାଧ୍ୟମରେ ଗୋଖାଦ୍ୟ ଯୋଗାଇ ଦିଆଯାଉଅଛି ।
4. ଜାତୀୟ ପ୍ରାଣୀଧନ ମିଶନ ଯୋଜନା :
   • ଗୋରୁ, ମହିଷି, ଛେଳି ଏବଂ ମେଣ୍ଡାମାନଙ୍କର ବୀମାକରଣ କରାଯାଇ ଚାଷୀମାନଙ୍କ ପ୍ରାଣୀଧନର ମୂଲ୍ୟକୁ ସୁରକ୍ଷା ଦିଆଯାଉଛି ।
   • ଏହି ଯୋଜନା ମାଧ୍ୟମରେ ଗୋ ଚାଷୀମାନଙ୍କୁ ଘାଷ ଚାଷ ନିମନ୍ତେ ସହାୟତା ଯୋଗାଇ ଦିଆଯାଉଅଛି. ଅଧା ଏକର ଜମିରେ ସବୁଦିନିଆ ଘାଷ ଚାଷ କଲେ ସରକାରଙ୍କ ତରଫରୁ ୬୦୦୦/- ଟଙ୍କାର ସହାୟତା ଦିଆଯାଉଛି ।
   • ହସ୍ତଚାଳିତ ଘାଷ ଏବଂ ନଡାକଟା ଯନ୍ତ୍ର ଶତକଢା ୪୦ ଭାଗ କମ୍ ମୂଲ୍ୟରେ ଚାଷୀମାନଙ୍କୁ ଯୋଗାଇ ଦିଆଯାଉଅଛି ।
5. ରାଜ୍ୟ ଯୋଜନା:
   • ଏହି ଯୋଜନା ମାଧ୍ୟମରେ ଜିଲ୍ଲାର ସାତଟି ବ୍ଲକ୍ ରେ ସାତଗୋଟି ଭ୍ରାମ୍ୟମାଣ ପ୍ରାଣୀ ଚିକିତ୍ସା କେନ୍ଦ୍ର ପ୍ରତିଷ୍ଠା କରାଯାଇଅଛି ।
   • ଛେଳି ଓ ମେଣ୍ଢା ପାଳନ ପାଇଁ ଚାଷୀମାନଙ୍କୁ ସହାୟତା ଯୋଗାଇ ଦିଆଯାଉଅଛି ।
   • ମରୁଡି ଓ ରୋଗପୋକ ଦ୍ବାରା କ୍ଷତିଗ୍ରସ୍ତ ଚାଷୀମାନଙ୍କୁ ଜୀବନ ଧାରଣ ପାଇଁ ସହାୟତା ଭିତ୍ତିରେ ବାଡି ଅଗଣାରେ କୁକୁଡା ପାଳନ ନିମନ୍ତେ ପ୍ରୋତ୍ସାହିତ କରାଯାଉଅଛି ।
   • ମରୁଡି ଓ ରୋଗପୋକ ଦ୍ବାରା କ୍ଷତିଗ୍ରସ୍ତ ଚାଷୀମାନଙ୍କୁ ଘାଷ ଚାଷ ନିମନ୍ତେ ସହାୟତା ପ୍ରଦାନ କରାଯାଉଅଛି. ଏହି କାର୍ଯ୍ୟକ୍ରମ ମାଧ୍ୟମରେ ଚାଷୀମାନଙ୍କୁ ଅଧ ଏକର ଜମିରେ ସବୁଦିନିଆ ଘାଷ ଚାଷ କଲେ ୬୦୦୦/- ଟଙ୍କାର ସହାୟତା ଯୋଗାଇ ଦିଆଯାଉଅଛି ।